طبع الزمن ...

هاذي طبايع كل يوم تجينا
تروح عنا مانحسب الحسابي

ذقنا من الدنيا طعم ولقينا
حلو الدهر ومره من كل بابي

ياما تذكرنا عيوبه ونسينا
وياما مقادير لفتنا خرابي

ياما سقينا من شرابه وروينا
سهم يخالفنا وسهم صوابي

وحيل الزمن غدره حقود علينا
لانحسبة دايم وفي الصحابي

ياخذ سعادتنا ومن بين ايدينا
ويترك هموم واجدات العقابي

هذي طبايع كل يوم تجينا
تروح عنا مانحسب الحسابي



وسلامتكم