هذي وسائل لعلاج الطفش داخل البيت وعلى فكرة تراها للبنات ..لان الولد إذا زهق ركب سيارته وطلع يفرفر...
** امسكي التليفون وكلمي صديقة لكِ من زمان عنها .. واسترجعوا ذكرياتكم مع بعض .. منها راح تمشين وقتكِ .. ومنها راح تجددون علاقتكم وكمان تشغلي التليفون 12 ساعة..
** اطلعي الحوش ولا السطح وافرشي لك فرشة وانسدحي على ظهرك وتأملي النجوم واسترخييييييي وتأملي ..
** قصي أطراف شعرك .. كل مازهقتي روحي عند المراية وقصي الأطراف(بس شوي شوي منها) .. أراهن أنكم بتصلعون على هالحالة ..
**امسكوا المسجل .. ودوروا فيه بالبيت وسجلوا أصوات العائلة وهم يسولفون وسجلوا صوت شخير الوالد وسجلوا صوت الهواشات وكل شيء ..
** روحوا السوبر ماركت وامسكوا العربية ودوروا فيها وصقعوا بخلق الله وقولوا : اووه آسفة مادريت ..
**امسكي ريموت كنترول واحذفي كل المحطات من الرسيفر وارجعي حطيهم من جديد (هذا وجهي إن رجعتي منهم شيء) ..
**تحدوا أنفسكم تقعدون نص ساعة كاملة بدون ما تتكلمون مع أي احد أو تفتحون فمكم .. نص ساعة طبعا بوجود الجميع (ما احد يقدر يسويها) ..
** امسكي منشفة وفكي الشبابيك ونظفيهم ..
** سوي أي عصير واشربيه ؟؟؟
** إذا زهقتوااحفظوا دويتو لأي مطربين (مثلا لراغب علامة واليسا) واقعدواحفظوها وبعدين سكروا المسجل وغنوا الأغنية ... وناااسة ..
اقروا مجلة أطفال (ميكي وماجد وباسم) .. **
** البسي عبايتك ودقي الباب يعني ان فيه ضيوف .. وخرعي أهلك ..ِ. ( هذي مرررررررره حلوووه )
** خذوا المسجل وسووا مكس لاغاني؟؟؟؟
** افتحي نوتة التلفونات واختاري أرقام من العائلة ودقي عليهم وسوي حركة صلة رحم !!
** نظفوا ماسنجركم .. سووا ديليت للناس اللي من زمان عنهم ما دخلوا .. وبلوك للناس الثقيلين الدم ..
** روحوا مواقع بطاقات وكاردات وأرسلوا لصديقاتكم ..
** ألفي مسجات جوال ونكات ماسنجر...
**خذي مجلات فواصل وديوان خالد الفيصل وطلعي منه أبيات شعر تصلح نكااات للماسنجر واكتبيها بورقة ..
** ادخلي غرفتك وحطي ماكياج كاامل كأنك رايحة لعرس ولطخي وجهك تلطيخ وتصوري حركة صح؟كخخخخخ !!!
** امسكي دفتر تلوين أطفال واقعدي لوني ..خخخخخخخخ
.. عاد انا والله اسويها ( احب التلوين )
** إذا زهقتي افتحي دولاب ملابسك واقعدي قيسي ملابسك بدلة ورا الثانية<< يمكن يجي الصبح ماخلصتي من كثرهم ..
** روحي المطبخ سوي كيكة (هذا وجهي إذا احد أكلها) ..
** سوي ايميل جديد واقعدي العبي على اللي تعرفينهم ..؟؟
** تعلموا لغة غريبة .. مثلا كلمات معينة بأحد اللغات واقعدوا اكشخوا فيهم وتفلسفوا فيهم ..
** اركبي السيارة وهي موقفة جوا البيت وكأنك تسوقين ..
** اطلعي وانزلي الدرج عشرين مرة .. منها تتمشين ومنها تنحفين<< ذبحتكم القعدة والفضاوة ..
** اقعدي على الكمبيوتر وحوسيه زي العادة ..
** اطلعي الحوش .. وصيدي لك حشرة لطيفة (عنكبوتة مثلا ) وحطيها بعلبة
واقعدي راقبيها..بس لا تخلونها وقت طويل عشان ما تتعذب <<< والله من العطف يالبنات ..
** خذي مجلات قديمة واقعدي قصقصي صور ولزقيها بلوحة ( بتطلع المواااااهب ) ..
** اطلعوا حوشكم .. والعبي كورة..وكسري أنوار البيت ..
** افتحي جهازكِ وسجلي صوتكِ ودخلي عليه تأثيرات ..مثلا صدى .. زيادة سرعة الصوت … تقليل السرعة .. وربي ونااااسة <<<< مجربتها بالذات تقليل السرعة وربي شي يموت ضحك ...!!!!
اتمنى انها تكون عجبتكم .. وانبسطتوا... ولاحد يزعل مني ..
تحياتي ...... لكم
وفاء عمر ثابت
...